ကျွမ်းကျင်မှုနှင့် ဝန်ဆောင်မှုများ

စီးပွားရေးလုပ်ငန်း လုပ်ကိုင်နေသူ တစ်ယောက်အနေဖြင့် သင့်လုပ်ငန်းသည် နောက် ၁၀ နှစ်အတွင်း မည်သည့် နေရာတွင် ရှိနေရမည် ကဲ့သို့သော မျှော်မှန်းချက်နှင့် ပန်းတိုင်များအား သင့်စိတ်ထဲတွင် ပုံပေါ်ထားရှိကောင်းရှိနေပေလိမ့်မည်။  ထိုမျှော်မှန်းချက်သည် ဆိုင်ခွဲ များများ ဖွင့်နိုင်ရေး သို့မဟုတ် စီးပွားနယ်မြေ ချဲ့ထွင်ခြင်းလည်း ဖြစ်ပေလိမ့်မည်။ သို့သော် သင့် စီးပွားရေး လုပ်ငန်းသည် သင့် မျှော်မှန်းချက်ပန်းတိုင်အား ရောက်ရှိအောင် မှန်ကန်သည့် ဦးတည်ရာသို့ သွားနေရဲ့လား ဆိုတာ သေချာအောင် ပြုလုပ်ဖို့လိုပါသည်။ အဘယ်ကြောင့်ဆိုသော် ယနေ့ လုပ်ဆောင်နေသည့် အရာများသည် အနာဂတ်တွင် အောင်မြင်မှု ရှိမရှိကို အဆုံးအဖြတ်ပေးသောကြောင့် ဖြစ်သည်။ စီးပွားရေးလုပ်ငန်း အစီအစဥ် ချမှတ်ခြင်းသည် စိတ်ထဲတွင်သာ ရှိသင့်သည့် အရာမဟုတ်ပါ။ သင်၏ မျှော်မှန်းချက်ပန်းတိုင်အား မရောက်မချင်း လုပ်ဆောင်ရမည့် အရာများနှင့် မှတ်တိုင်များအား စာရွက်ပေါ်တွင် အသေးစိပ် ချမှတ်ထားရမည်ဖြစ်ပါသည်။ ထိုသို့ ပြုလုပ်ရန်အတွက် အောက်ပါမေးခွန်းတို့ကို သင့်ကိုယ်သင် ဆန်းစစ်မေးသင့်ပါသည်။

• မိမိလုပ်ငန်းသည် မှန်ကန်သော ဦးတည်ရာသို့ သွားနေရဲ့လား။
• ရည်မှန်းထားသော အရာများကို အောင်မြင်အောင် ဘာတွေလုပ်သင့်သလဲ။
• ရေရှည်ချမှတ်ထားသော ရည်မှန်းချက်အား အောင်မြင်ဖို့သေချာရန်ရန် မည်သို့လုပ်ဆာင်ရမည်နည်း။
• ရည်မှန်းထားသော အရာများကို အောင်မြင်ရန် အတွက် မည်သို့သော စီးပွားရေးအထောက်အကူပြု ပစ္စည်းများနှင့် နည်းလမ်းများကို အသုံးပြုရမည်နည်း။
• လက်ရှိ စီးပွားရေး စျေးကွက်တွင် မိမိ လုပ်ငန်းသည် မည်သည့် နေရာတွင်ရှိသနည်း နှင့် မည်သို့သော ဗျူဟာကျသည့် အစီအစဥ်များ ရေးဆွဲသင့်သနည်း။

အများစုသော အသေးစားနှင့် အလတ်စား စီးပွားရေး လုပ်ငန်း ပိုင်ရှင်များသည် နေ့စဥ်ဒူဝ လုပ်ငန်းဆောင်တာများတွင် အသေးစိပ် ပါဝင်လုပ်ကိုင်ကြသဖြင့် မလိုအပ်ဘဲ ပင်ပန်း အလုပ်ရှုပ်ကြရသည်။  ကောင်းမွန်သော လုပ်ငန်း လည်ပတ်သည့် စနစ်ရှိခြင်းသည် သင့် လုပ်ငန်းအတွက် အချိန်နှင့် အရင်းအမြစ်ကို သက်သာအောင် ကူညီပေးနိုင်ပါသည်။ ကောင်းမွန်သော လုပ်ငန်း လည်ပတ်သည့် စနစ်ရှိပါက အသေးစိပ် လုပ်ငန်းဆောင်တာများကို သင်ကိုယ်တိုင် ပါဝင်ပတ်သတ်စရာမလိုဘဲ သင့်လုပ်ငန်းအား ခြုံငုံမြင်နိုင်ဖို့ နှင့် လိုအပ်ချက်များကို တိုးတက်အောင် ပြုလုပ်ဖို့အတွက် အချိန်ပိုရ လာလိမ့်မည်ဖြစ်သည်။ ထိုသို့ ဖြစ်ရန်အတွက် အောက်ဖော်ပြပါ မေးခွန်းများကို ဖြေဆိုနိုင်ဖို့ ကျွန်ုပ်တို့က သင့်ကို ကူညီပေးနိုင်ပါသည်။

• မိမိ၏ ဝန်ထမ်းများသည် ၎င်းတို့ ကိုယ်တိုင် လုပ်ကိုင်နေရသော လုပ်ငန်းဆောင်တာများအား တကယ်ပဲ သိနားလည်ပါရဲ့လား။
• မိမိ ဝန်ထမ်းများ တက်တက်ကြွကြွ အလုပ်လုပ်နိုင်ရန် မည်သို့ စီမံသင့်သနည်း။
• ဝန်ထမ်းအသစ်တစ်ယောက်ရောက်လာပါက အချိန်အများကြီးယူပြီး ရှင်းပြစရာမလိုဘဲ မိမိလုပ်ငန်းအကြောင်းကို သိရှိနားလည်အောင်မည်သို့ လုပ်ဆောင်ထားသင့်သနည်း။
• စာရွက်စာတမ်းများကို ကိုင်တွယ်ရန်အတွက် မည်သည့်နည်းလမ်းက အကောင်းဆုံး ဖြစ်နိုင်မည်နည်း။
• မိမိ စီးပွားရေးကို တိုးချဲ့ရန်အတွက် လိုအပ်သော အရင်းအနှီးများ (လူအင်အား၊အချိန်၊ ငွေကြေး၊ စရှိသဖြင့်) ရှိပါရဲ့လား။
• တစ်နှစ်တွင်၊ တစ်လတွင် ဝင်ငွေ အမြတ် မည်မျှရရှိ၍ မည်သို့ သုံးစွဲနေသနည်း။
• မိမိ လုပ်ငန်းရေရည် လည်ပတ်နိုင်ဖို့ ဆုံးဖြတ်ချက်များ ချမှတ်ရန် မည်သို့သော ငွေကြေး စီမံရေးနှင့် ဘတ်ဂျက်ချမှတ်ရေး ပုံစံခွက်များ ထားရှိသင့်သနည်း။

မည်သည့်စီးပွားရေးလုပ်ငန်းမှ သီးခြား မရပ်တည်နိုင်ပါ။ ဆက်နွယ်မှုရှိနေသူများနှင့် ချိတ်ဆက် လုပ်ကိုင်ရမည်မှာ ဓမ္မတာပင် ဖြစ်သည်။ သင့်လုပ်ငန်းနှင့်ပတ်သတ်သော မျှော်မှန်းချက်များနှင့် ရည်မှန်းချက်များကို သင်၏ ဝန်ထမ်းများအား ကောင်းမွန်ရှင်းလင်းစွာ ရှင်းပြထားပေးရမည်ဖြစ်ပါသည်။ သင်ထံမှ ဝယ်ယူသုံးစွဲနေသည့် ဖောက်သည်များအား သင့် ထုတ်ကုန် ဝန်ဆောင်မှုနှင့်ပတ်သတ်သည်များကိုလည်း ရှင်းလင်းစွာ ဖော်ပြပေးထားရမည်ဖြစ်ပါသည်။ အလားတူပင် သင်အား ကုန်ကြမ်း ထောက်ပံ့ပေးသူများနှင့် သင်နှင့် ပူးတွဲလုပ်ကိုင်နေသူများနှင့်လည်း ကောင်းမွန်သော ဆက်ဆံရေးရှိအောင် ကြိုးစားခြင်းသည်လည်း အရေးပါသည်။ ထိုအရာများနှင့် ပတ်သတ်၍ အောက်ပါမေးခွန်းများကို အဖြေရှိရန်အတွက် သင့် စီးပွားရေးလုပ်ငန်း အနေအထားအလိုက် ကိုက်ညီအောင် လုပ်ငန်းအစီအစဥ် ရေးဆွဲပေးသော ဝန်ဆောင်မှုများကိုလည်း ကျွန်ုပ်တို့မှ ပေးဆောင်ပါသည်။

• မိမိ လုပ်ငန်းတွင်လုပ်ဆောင်နေသော ဝန်ထမ်းများအား မည်သို့ ပြောဆို ဆက်ဆံသင့်သနည်း။
• မိမိလုပ်ငန်း၏ ဝန်ဆောင်မှုနှင့် ထုတ်ကုန်များအား မည်သို့ မည်ပုံ ကြော်ငြာသင့်သနည်း။
• ဆိုရှယ်မီဒီယာပေါ်တွင် မည်မျှ မကြာခဏ ပို့စ်များ တင်သင့်သနည်း။
• အနာဂတ်တွင် မိမိ၏ ဖောက်သည်များ ဖြစ်လာနိုင်ခြေရှိသော သူများနှင့် ကောင်းမွန်သော ဆက်ဆံရေးရှိရန် မည်သည့် ဗျူဟာနှင့် အကြောင်းအရာများကို အသုံးချသင့်သနည်း။
• မိမိလုပ်ငန်း၏ ဝန်ဆောင်မှုနှင့် ထုတ်ကုန်များအား အရောင်းမြှင့်တင် ကြော်ငြာရန်အတွက် Facebook တစ်ခုတည်းသာ အသုံးပြုနိုင်သည် ဖြစ်နေပါသလား။
• မိမိနှင့် လုပ်ငန်းတူများကြားတွင် မိမိလုပ်ငန်းသည် မည်သည့် အဆင့်တွင်ရှိနေသနည်း။

ဤသို့ အထက်တွင် ဖော်ပြခဲ့သော အကြောင်းအရာများနှင့် ၎င်းတို့၏ မေးခွန်းများအတွက် အဖြေရှိရန်နှင့် အကောင်အထည်ဖော်နိုင်ရန် ကျွန်ုပ်တို့